ई बलि पुत्र सम्राट अंग के
भूमि अंग महान छिकै |
दधिवाहन, रोमपाद, श्रृंगी
ई नचिकेता के जन्म भूमि
ई परशुराम, ई विश्वामित्र
ई अष्टावक्र के कर्म भूमि
ई राहुल भद्र के भूमि छै
हिंदी के जन्म स्थान छिकै
ई बलि पुत्र सम्राट अंग के
भूमि अंग महान छिकै |
छै बहै जहाँ कोशी-गंगा
कात्यायनी के स्थान जहाँ
जयमंगला देवी के भूमि
छै पापहरणी वरदान जहाँ
ई सागर मंथन करै वला
मंदाराॅे के स्थान छिकै
ई बलि पुत्र सम्राट अंग के
भूमि अंग महान छिकै |
छै सियाराम, तिलकामांझी
बलिवेदी के बलिदान जहाँ
दिनकर, रेणु रँ पुत्रो के छै
साहित्यिक अवदान जहाँ
ई महादानी उ सूर्य पुत्र के
कर्मभूमि स्थान छिकै
ई बलि पुत्र सम्राट अंग के
भूमि अंग महान छिकै |
रचनाकाल - 23 सितम्बर 2010