भारत की संस्कृति के लिए... भाषा की उन्नति के लिए... साहित्य के प्रसार के लिए
अंग स्तवन / राजकुमार
Kavita Kosh से
जय-जय अंग अंगिका माता
नील वरण अंगिका पताका
सुरुज सदा जेकरोॅ अभियानी
तंत्रपीठ मंदार मथानी
कनक कवच-कुण्डल के दाता
जय-जय अंग अंगिका माता
विक्रमशिला सिद्ध के वाणी
भागिरथी कोसी के पानी
अंग चरित बिहुला के गाथा
जय-जय अंग अंगिका माता
मधुसूदन के बरलोॅ बाती
सत्य-अहिंसा एकरोॅ थाती
लहर-लहर युग-युग के त्राता
जय-जय अंग अंगिका माता
अंग भारती के अधिनायक
हे अनन्य जन गण उन्नायक
चरण धूलि पर नबलोॅ माथा
जय-जय अंग अंगिका माता
