भारत की संस्कृति के लिए... भाषा की उन्नति के लिए... साहित्य के प्रसार के लिए

अइसे न कोनो कहियो बिसारे / हम्मर लेहू तोहर देह / भावना

Kavita Kosh से
यहाँ जाएँ: भ्रमण, खोज

अइसे न कोनो कहियो बिसारे।
जे कसम खाये, ओकरा निभाए॥

की मालूम हूक करेजा के ओकरा।
जे प्रेम के एगो आखर न जाने॥

टक-टक निहारइत बिनहिए से रस्ता।
करइत बीतल दिन, अगना-दुआरे॥

नीन आंख से हम्मर उड़ गेल कहिया।
करेजा धड़क के हुनका पुकारे॥

सबरी के जइसन जोगबइत बईर।
अचरा से अप्पन ऊ रस्ता बहारे॥