भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

आमा / राजेन्द्र शलभ

Kavita Kosh से
यहाँ जाएँ: भ्रमण, खोज

सूर्यजस्तै ठूलो रातो टीका
निधारमा लगाउँदा
मेरी आमा साह्रै राम्री देखिनुहुन्थ्यो
संसारकै सबभन्दा तेजस्वी स्वास्नीमानिस
तर बुबा बित्नुभएपछि
आमाले रातो टीका लगाउन छोड्नुभयो
बिना टीका मलिन देखिन्छ आमाको अनुहार ।

जब–जब गोधूलिको बेला
निधारमा सूर्यको रातो टीका लगाएको
आकाशलाई देख्छु
म आमालाई सम्झन्छु ।
रातो टीका लगाएको
आकाश पनि राम्रो देखिन्छ
तर आमा जत्तिको राम्रो होइन ।