भारत की संस्कृति के लिए... भाषा की उन्नति के लिए... साहित्य के प्रसार के लिए
इंसान / अशोक शुभदर्शी
Kavita Kosh से
बनै सें एक अच्छा हिन्दू
एक अच्छा मुसलमान
अच्छा छै बनना
एक अच्छा इंसान
खड़ा करलोॅ जाय सकै छै
कठघरा में
एक अच्छा हिन्दू
एक अच्छा मुसलमान
एक अच्छा इसाई
खड़ा नै करलोॅ जाबेॅ सकै छै कहियोॅ
कठघरा में
एक अच्छा इंसान
नै बाँटै छै
नै कोनोॅ भेदे करै छै
नै केकरोॅ सें करै छै
कोनोॅ गिला-शिकवा
मजहब केॅ नामोॅ पर
सभ्भै केॅ गल्लोॅ मिलै छै
वहेॅ होय छै
एक अच्छा इंसान ।
