उठु उठु गे मालिन कते नीने सूतल / अंगिका लोकगीत

   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

उठु उठु गे मालिन कते नीने सूतल, दुअरे दुलरैता बाबू ठाढ़ हे।
हमराहिं घर गे मालिन लगन उताहुल<ref>उतावला</ref>, अजबे मौरिया गूँथि देहो हे॥
अजबे अजबे जनु बोलु दुलरुआ, अजबे मौरिया कैसन होय हे।
गँगाहिं पार केरा कोढ़िला<ref>एक जलीय पौधा, जिससे मौर बनता है</ref> रे कोढ़िला, बेली चमेली चंपा फूल हे॥2॥
मौरिया उरेही गे मालिन बाबा आगु जैहैं, बाबा करत मौरिया के मोल हे।
यहि पार मलिया रे भैया मौरिया उरेहल, ओहि पार दुलरुआ पूता ठाढ़ हे॥3॥
मैं तोरा पूछऊँ मलिया रे भैया, ससुरे नगर कते दर हे।
ऊँची महलिया दुलरुआ पुरुबे दुअरिया, दुअरे चनन केरा गाछ हे॥4॥
वहे जे छिकौ<ref>है</ref> दुअरुआ तोरऽ ससुररिया, चारो दिसा गड़ल निसान<ref>ध्वज; पताका</ref> हे॥5॥

शब्दार्थ

<references/>