भारत की संस्कृति के लिए... भाषा की उन्नति के लिए... साहित्य के प्रसार के लिए
ऊ नै लौटलै / अनिरुद्ध प्रसाद विमल
Kavita Kosh से
ऊ शहर एैलेॅ
आरो शहरे में रही गेलै
ओकरा प्रतीक्षा छेलै
शहर में खोय गेलोॅ ऊ आदमी
गाँव के मांटी रोॅ गंध नै भूलतै
मतुर ऊ नै लौटलै
आरोॅ वें बढियां सें जानी गेलै
कि यै शहरोॅ में एैलोॅ आदमी
लौटै नै छै
ई जानी केॅ भी ऊ नै लौटलै
कि वें लाख-लाख लोगोॅ के भूख
अपना मुट्ठी में बंद करी केॅ
यै शहरोॅ में
एैलोॅ छै ।
