एकान्त / वेढ़ो 'रफ़ीक़'

मुंहिंजी जीवन यात्रा आहे
अन्धकार खां रोशनीअ तरफ़
एकानत जो कम्बलु ओढे
पंहिंजो पाण में समेटिजी वञां थो
मुकमल तौर ‘पाण’ सां हुअण जो
सुकूनु मिले थो।
मां वक़्त जे
आईने सां मुख़ातिब थियां थो
‘मां’ जी सही शिकिल सुञाणण जी
कोशिश करियां थो
एकान्त, हर पल
मूंखे नंगो करे
‘मां’ सां मुख़ाबित करे थो!
तॾहिं पाण सां ॻाल्हाइण जी,
पाण खे सुञाणण जी नईं चेतना
उजागर थिये थी।
इन करे ई एकान्तु
मूं लाइ - दिशा ॿोधु आहे...।