भारत की संस्कृति के लिए... भाषा की उन्नति के लिए... साहित्य के प्रसार के लिए
एक दूजे बिना / कस्तूरी झा 'कोकिल'
Kavita Kosh से
पत्नी बिना पति केॅ
पति बिना पत्नी केॅ
जीवन अधूरा छै।
जब ताँय साथ चलै छै
तभी ताँय सोना में सुगंध।
संसार में सुख छै।
अमन चैन छै।
धरती पर स्वर्ग छै?
मधुमय दिन रैन छै।
नैं तॅ-
एक दोसरा केॅ
अन्तहीन विरह
दै छै संताप।
जरैतॅे रहै छै
लाल-लाल अंगोरा नाँकी
सूखलॅ लकड़ी नाँकी
सुखलॅ पाकलॅ ठठ्र देह।
छटपटाय केॅ
बिलखाय केॅ
बीते छै दिन।
बीते छै रात।
के बूझै छै
ओकरँ दुःख?
केॅ पूछै छै
बैठी केॅ हाल चाल?
केॅ करतै हल सवाल?
उत्तर दै वाली
दै वाला तॅ...
09/12/15 ग्यारह पैंतालिस दिन
