भारत की संस्कृति के लिए... भाषा की उन्नति के लिए... साहित्य के प्रसार के लिए
एलेक्शन / मथुरा नाथ सिंह 'रानीपुरी'
Kavita Kosh से
ई एलेक्शन करै सलेक्सन
हड़पै के ई फंक्शन रे
बात्हें-बात बढ़ावै टेंसन
जात-पात के सेशन रे।
लोभे टिकिया, वादा फंगसन
झूठमूठ के संगसन रे
गीधें-कौआँ पाशा फेकै
लूटे-पाट कनेक्सन रे।
हड़िया-वर्त्तन करै एटेंसन
भोजनालय लमलेसन रे
राशन पर भाषण अजमावै
भाँड़ में जाय कमीशन रे॥
मूर्ख तंत्र के लागै जंक्शन
छोड़ै नै ई हटशन रे
दावे-पेचें करै निरीक्षण
हड़पै माल मोटेसन रे।
