भारत की संस्कृति के लिए... भाषा की उन्नति के लिए... साहित्य के प्रसार के लिए
ए.पी.एल./बी.पी.एल.2 / मथुरा नाथ सिंह ‘रानीपुरी’
Kavita Kosh से
12.
छेकै ठिकाना
वोट के पीछू साधै
यहेॅ निशाना।
13.
भेलै हिसाब
ए.पी.एल./बी.पी.एल. के
लिखै किताब।
14.
गेहूँ ऊ बाँटै
वोट लेली केकरा
भला के डाँटै!
15.
देखोॅ नजारा
आदमी केॅ छेकै नी
ई बँटवारा।
16.
खोंच लगाना
ठीक नै आदमी के
जात बनाना।
17.
कैन्होॅ ई जात
शकल आदमी के
बाँटै छै पांत।
18.
ई प्रदूषण
लोभी मन्नें की नाय
करै शोषण।
19.
यहेॅ इन्साफ
ए.पी.एल. रोॅ करकै
पत्ता रे साफ।
20.
एक्के जनम
एक्के-रंग मरण
कैन्होॅ वरण।
21.
नर रोॅ कान
नर रोॅ ई दू आँख
एक समान।
22.
राजनीतिज्ञ
सच्चे ऊ होय छै नी
कुटनीतिज्ञ।
23.
छेकै सुधार
आदमी सँ आदमी
रचै किनार।
