भारत की संस्कृति के लिए... भाषा की उन्नति के लिए... साहित्य के प्रसार के लिए
ओळूं री अंवेर / मदन गोपाल लढ़ा
Kavita Kosh से
म्हैं आयो हूं-
सोधण सारू
बां पगां रा खोज
जका मंड्या
बरसूं पैलां
आं गळ्यां में
लाखूं लोग टिपग्या हुवैला
उण पछै तो
पण भळै ई पतियारो है-
कठैई तो लाधैला
अैनाण-सैनाण
उण जुग रा।
म्हारा ई खोज पण
मंड्या इण मारग
जातरा रै सरू में
जद सीख्यो ई हो चालणो।
म्हारो कौल हुवैला पूरो
ओ सहर!
सावळ अंवेर
उण जूनी ओळूं नैं।
