कउन बैरिन सेजिया डँसावल / मगही

मगही लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

कउन बैरिन सेजिया डँसावल,<ref>बिछाया</ref> दियरा<ref>दीपक</ref> बरावल<ref>जलाया</ref> हे।
अरे, कउन बैरिन भेजले दरदिया, करेजे मोरा सालय हो॥1॥
चेरिया बैरिन सेज डाँसल, दियरा बरायल हे।
ननद भइया भेजलन दरदिया, दरदे करेजे सालय हे॥2॥
अब नहीं पिया सँग सोयबो, न बबुआ खेलायब हे।
ललना, अब नहीं नयना मिलायब, दरद करेजे साले हे॥3॥
आधी राती गेल, पहर राती, होरिला जलम लेल हे।
ललना, बजे लागल अनन्द बधावा, महल उठे सोहर हे॥4॥
अब हम पिया सँघे जायब, नयन जुड़ायब हे।
ललना, अब हम बबुआ खेलायब, अब हम सहब<ref>सहन करूँगी</ref> दुख हे॥5॥
होयते जे बबुआ के बिआह, अउर जग मूड़न<ref>मुण्डन संस्कार</ref> हे।
ललना, होयत बबुआ के कनछेदन<ref>कर्णभेद संस्कार</ref> ननद न बोलायब हे॥6॥
होयते बबुआ केरा बिआह, आउर जग-मूड़न हे।
ललना, होयत बबुआ के कनछेदन, अपने से आयम हे॥7॥

शब्दार्थ

<references/>