Last modified on 4 जुलाई 2014, at 21:22

कओने नगर संओ आयल तपसिया / मैथिली लोकगीत

मैथिली लोकगीत   ♦   रचनाकार: अज्ञात

कओने नगर संओ आयल तपसिया, कौने नगर नेने जाय
दच्छिन नगर संओ अयलै तपसिया, पच्छिम मुलुक नेने जाय
आमक डारि पर बाजय केाइलिया, धीया के जन्म जुनि देब
धीया के जन्म जौं देब विधाता, लिखि देब सहोदर भाय
कोखिया बिहुन जुनि देब विधाता, पुरुष मुरुख जुनि देब
मुरुख-पुरुख जों देब विधाता, मरब जहर बिख खाय