भारत की संस्कृति के लिए... भाषा की उन्नति के लिए... साहित्य के प्रसार के लिए
कता झरूँ म ? / सुमन पोखरेल
Kavita Kosh से
जून पिएर आइछ्यौ, अब के गरूँ म
हेरिरहूँ तिमीलाई या अघि सरूँ म
सम्बन्धको किनारैमा दिल खोसी लग्यौ
नुहाइरहूँ तिम्रै प्रेममा वा पारी तरूँ म
पर्खपर्ख एकछिन पर्ख, रात पर्न देऊ
तिमी आउने बाटोभरी तारा छरूँ म
के आँखा, के मन-मुटु, सबै उस्तै मेरा
धोका दिए सबैले, भर कसको परूँ म
दुनियाँलाई बाँड्दाबाँड्दै रित्तिएछ पूरै
रित्तिएको यो मन अब केले भरूँ म
कहाँ पुगी फर्कियौ र ठेल्न खोज्छौ तिमी ?
छोडेकै छैन धर्ती मैले, कता झरूँ म ?
कसले देला सल्लाह, सुमन ! मलाई
मन त मरिसक्यो, अब कहिले मरूँ म ?
