भारत की संस्कृति के लिए... भाषा की उन्नति के लिए... साहित्य के प्रसार के लिए
कत्ते लोक चिन्ता करओ ? / तारानंद वियोगी
Kavita Kosh से
अन्तरिक्षमे जा क’ मुइलीक कल्पना चावला
तें कि लोक अन्तरिक्ष जाएब छोड़ि देत ?
हमर पिता कहथि-
पानि हेलनिहार पानियें में मरैत अछि
गाछ चढ़निहार गाछे सँ (खसि क’)
बड़ बेस बड़ बेस पिता !
मुदा जीवन जीनिहार जीवनमे नहि मरि जाइछ ?
आ मृत्युक व्यवसायी मृत्युएमे ?
कत्ते लोक चिन्ता करओ ?
