करबै काम जरूर / ब्रह्मदेव कुमार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ब्रह्मदेव कुमार »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

हे राजा, मत जा दूर
नरेगा में करबै काम जरूर।
नरेगा में करबै काम जरूर।
हे राजा, मत जा दूर॥
दरखास लिखी-लिखी पंचायतोॅ में जैबै
निबंधन करैबै जरूर।
हे राजा, मत जा दूर॥
पन्द्रह दिनोॅ में जाॅब कार्ड मिलतै।
कामोॅ मिलतै जरूर।
हे राजा, मत जा दूर॥
गाम्हैं में ठाम्हैं कामोॅ जे मिलतै।
सालोॅ में सोॅ दिन जरूर॥
हे राजा, मत जा दूर
खाता खोलबै, डाकघर-बैंकोॅ में।
मजदूरी न्यूनतम जरूर॥
हे राजा, मत जा दूर
नुनुवों केॅ लैकेॅ, साथै में जैबै।
वाँहीं खेलतै जरूर॥
हे राजा, मत जा दूर
काम करी-करी, पैसा कमैबै।
टीका गढ़ैबै जरूर॥
हे राजा, मत जा दूर
सभ्भैं मिली-मिली, नरेगा के गुण गैबै।
नरेगा केॅ गुन गैबै जरूर॥
हे राजा, मत जा दूर