करिया धुंआ सफेद सिगरेट / ध्रुव कुमार वर्मा

करिया धुंआ सफेद सिगरेट
अब के मनखे अतके रेट।
रइथे संगसी के छितका कुरिया
बात करही ते इंडिया गेट।
मुँह के लगाम ढिल्ला होगे
संसद कर दिन मटिया मेट।
तुरुप के एक्का ओकरे कोती
का पाबे ते कतको फेट।
चारा हवाला लोहा पथरा
भरे कबाड़ हे ओकर पेट
जहाज म आइस तेकरे सेती
आवत ओला होगे लेट।
ओ कोती ले आऊट होगे
जातो ओला एती लपेट।
गंगा लाहूँ कइके गेइस
नई होइस फेर ओकर भेट