भारत की संस्कृति के लिए... भाषा की उन्नति के लिए... साहित्य के प्रसार के लिए
काँट के साथ बा गुलाब, ए दोस्त / मनोज भावुक
Kavita Kosh से
KKGlobal}}
काँट के साथ बा गुलाब, ए दोस्त
जिन्दगी के इहे हिसाब, ए दोस्त
आज तक पढ़ सकल कहाँ केहू
जिन्दगी के कठिन किताब, ए दोस्त
हम त गुमराह होके रह गइलीं
रह गइल अब त ख्वाब ख्वाब, ए दोस्त
जिन्दगी के भइल रहे बीमा
होत बा लाश के हिसाब, ए दोस्त
प्यार के बीज कइसे अँकुरेला
के दी एह प्रश्न के जवाब, ए दोस्त
प्यार खातिर त सच्चा दिल चाहीं
अब उतारऽ तू ई नकाब, ए दोस्त
