भारत की संस्कृति के लिए... भाषा की उन्नति के लिए... साहित्य के प्रसार के लिए
किएक खसै छै? / ककबा करैए प्रेम / निशाकर
Kavita Kosh से
जहिना वसंतक मौसममे
गाछमे लगै छै पात
ओहिना
कविक कलमसँ कविता
चित्रकारक कुच्चीसँ चित्र
संगीतकारक ससाजसँ संगीत
घरनीक हाथसँ कज
सुरुजसँ इजोत
चानसँ शीतलता
चिडै़सँ किलोल
खेतसँ फसिल
बेदरासँ उछाही
मुदा,
पतझड़क मौसममे
गाछसँ खसै छै
पात-सन
बुढ़ारीमे
माथसँ झरै छै
केश-सन
किएक खसै छै
नेताक मुँहसँ भरोस
पुलिसक मुँहसँ गारि?
