भारत की संस्कृति के लिए... भाषा की उन्नति के लिए... साहित्य के प्रसार के लिए

किनका बाड़ी रोपबै कोसी माय / अंगिका

Kavita Kosh से
यहाँ जाएँ: भ्रमण, खोज

   ♦   रचनाकार: अज्ञात

किनका बाड़ी रोपबै कोसी माय
ऐली फूल हे चमेलिया
किनका हे बाड़ी कोसी माय
अढ़हुल हे फूल
बाबा बाड़ी रोपबै कोसी माय
ऐली फूल हे चमेलिया
भइया हे बाड़ी रोपबै कोसी माय
अढ़हुल फूल हे
कौने डाला तोरब कोसी माय हे
ऐली फूल हे चमेलिया
हे मैया कौने हे डाला
तोरब अढ़हुल फूल हे
सोने डाला तोरब कोसी माय
ऐली फूल हे चमेलिया
रुपा हे डाला तोरबै कोसी माय
अढ़हुल फूल हे
कौन सूत गूथब हे कोसी माय
ऐली फूल हे चमेलिया
हे मैया कौन हे सूत गूथबै
अढ़हुल फूल हे
लाले सूता गूथब हे कोसी माय
ऐली फूल हे चमेलिया
हे मैया पीले हे सूत, कोसी माय गूथबै
अढ़हुल फूल हे ।