भारत की संस्कृति के लिए... भाषा की उन्नति के लिए... साहित्य के प्रसार के लिए
कैहने बनलोॅ छोॅ अनजान रं / रूप रूप प्रतिरूप / सुमन सूरो
Kavita Kosh से
कैहने बनलोॅ छोॅ अनजान रं?
तनी बातो तेॅ करोॅ इन्सान रं?
आदमी सें आदमी के दूरी की
बढ़ी गेलोॅ छै सूरज-चान रं?
परिचय छौं मतुर चीन्है नै छोॅ
सूनोॅ छोॅ हेरैलोॅ मुस्कान रं?
पता नै कोन सोचोॅ में डुबलोॅ छोॅ
अदमरुवोॅ-अनसैलोॅ मूॅ-ठान रं।
बोलै छोॅ-”जमाना अजूबा ऐलै
संकट नै धरम-ईमान रं।"
की सच, की झूठ के बोल
जिनगी छै नेता के बयान रं।
मलय के हवा हिमालय तक दौड़े छै
हिमालय-जल कन्या कुमारी के जान रं।
जब तक नै बुझने छोॅ प्रेम के कूबत
तभियें तक तनलोॅ छोॅ अभिमान रं!
