भारत की संस्कृति के लिए... भाषा की उन्नति के लिए... साहित्य के प्रसार के लिए
को मूं वांगुर हो चेल्हि चिॿो, को तो वांगुर! / अर्जुन हासिद
Kavita Kosh से
को मूं वांगुर हो चेल्हि चिॿो, को तो वांगुर!
को मूं वांगुर मोहताज लॻो, को तो वांगुर!
जंहिं विख-विख अहसासनि जे अखिड़ियुनि सां ॻोल्ही,
थो कोन सुझे माण्हू अहिड़ो, को तो वांगुर!
इअं मिठी मिठी थो मुरिकी मुरिकी तंज़ करे,
ॼणु ॾिए थो अखिड़ियुनि सां महिणो, को तो वांगुर!
हर मजबूरीअ ते वॾा वॾा थो टहक ॾिए,
ऐं करे थो हर कंहिं सां चर्चो, को तो वांगुर!
थो ॻाल्हि ॻाल्हि में पाणु पॾाए मुदबर जियां,
किअं बणिजी पियो इअं वेचारो, को तो वांगुर!
हर लफ़्ज़ लफ़्ज़ ते हॿके थो खंघकार करे,
पुणि उखिड़ियलु उखिड़ियलु आ लहजो, को तो वांगुर!
थे होॾ भरियल अखिड़ियुनि सां मूं ॾे घूरियाईं,
हा याद अथमि साॻियो चेहरो, को तो वांगुर!
का जे़हन में हासिद तुंहिंजे सोच नथी उभिरे,
कंहिं कोन ॾिठो अहिड़ो मोॻो, को तो वांगुर!
