भारत की संस्कृति के लिए... भाषा की उन्नति के लिए... साहित्य के प्रसार के लिए
खेचळ / सुनील गज्जाणी
Kavita Kosh से
लुगाई, सूखै कूंवै मांय बार-बार
बाल्टी घाल‘र पाणी काढण रौ खेचळ करती ही।
किसाण,
बंजर खेत मांय बार-बार हळ चलावतौ हौ,
कै कठै खेत उपजाऊ होय जावै।
आदमी,
बार-बार आपरी छतड़ी खोलतौ हौ,
कै कठै छांट्या नीं होवण लाग जावै।
बूढै़ डोकरै रा पग कबर मांय लटक्या हा
पण सीखतौ बो वरणमाळा हौ।
उण टाबर री उमर ही-
पढण-लिखण अर खेलण-कूदण री
पण बण बो आदमी रह्यौ हौ।
