भारत की संस्कृति के लिए... भाषा की उन्नति के लिए... साहित्य के प्रसार के लिए
गंजो / अर्जुन हासिद
Kavita Kosh से
हरकंहिं मुंहिंजा वार पटिया हुआ
कंहिं मज़बूत आकार
ॿिन्हीं हथनि सां छिके
वारनि जा गुछा पंहिंजनि हथनि में कया हुआ
अखियूं खोपनि मां ॿाहिर निकिरी आयूं हुयूं
कढ़ी रहियो होसि
नस नस पीड़ा खां जली रही हुई।
किनि कमज़ोर हथनि बि
हिकु हिकु करे
मुंहिंजो हिकु हिकु वारु छिॻो हो
ॿांहूं भॻल हुयूं
आङुरियूं मरोड़ियल
गोॾनि वटां टंगूं अलॻ थियल हुयूं
देह ते हिकु बि वारु न रहियो हुओ
अखियुनि मथां छपरनि जा वार बि गुम हुआ
अखियुनि में मणिकियूं ॾिसी रहियूं हुयूं
सॼी रुइदाद
दुकानु ख़ाली हो
कांच जा टुकरा
ऐं टीन जा दॿा
पखिड़ियल हुआ।
(पथर पथर- कंडा कंडा, 1978)
