भारत की संस्कृति के लिए... भाषा की उन्नति के लिए... साहित्य के प्रसार के लिए
गमे-गमे गाम हमर शहर बनल जाइए / रामदेव झा
Kavita Kosh से
गमे-गमे गाम हमर शहर बनल जाइए
आब मान्य नित दिन अकरहर बनल जाइए।
गढ़ल मढ़ल नेह गेह झहरि झहरि खंघरि रहल
गामक अपराहु आब महर बनल जाइए।
टोल-टोल गच्छ-गोल हीत-मीत तोड़ि छोड़ि
नीर-क्षीर फरक होइत जहर बनल जाइए।
हेम-क्षेम प्रीति रीति भरल सरस धार प्रकृत
रोकि छेकि उच्च-बुच्च छहर बनल जाइए।
घोर तमस बद्ध विवश मुक्ति किरण रेखा लय
आस-बाट तकइत पल पहर बनल जाइए।
