भारत की संस्कृति के लिए... भाषा की उन्नति के लिए... साहित्य के प्रसार के लिए
गाँव मा / अरुण कुमार निगम
Kavita Kosh से
दया हे मया हे, सगा! गाँव मा
चले आ कभू, लीम के छाँव मा।
हवै जिंदगी का? इहाँ जान ले
सरग आय सिरतोन, परमान ले।
सचाई चघे हे, सबो नार मा
खिले फूल सुख के, इहाँ डार मा।
सुगंधित हवा के चिटिक ले मजा
चिटिक झूम के आज माँदर बजा।
मजा आज ले ले न, चौपाल के
भुला दे सबो दु:ख, जंजाल के।
दया हे मया हे, सगा! गाँव मा
चले आ कभू, लीम के छाँव मा।
