भारत की संस्कृति के लिए... भाषा की उन्नति के लिए... साहित्य के प्रसार के लिए
गीतावली लङ्काकाण्ड पद 6 से 10 तक/पृष्ठ 1
Kavita Kosh से
(6)
रागसोरठ
मोपै तो न कछू ह्वै आई |
ओर निबाहि भली बिधि भायप चल्यो लखन-सो भाई ||
पुर, पितु-मातु, सकल सुख परिहरि जेहि बन-बिपति बँटाई |
ता सँग हौं सुरलोक सोक तजि सक्यो न प्रान पठाई ||
जानत हौं या उर कठोरतें कुलिस कठिनता पाई |
सुमिरि सनेह सुमित्रा-सुतको दरकि दरार न जाई ||
तात-मरन, तिय-हरन, गीध-बध, भुज दाहिनी गँवाई |
तुलसी मैं सब भाँति आपने कुलहि कालिमा लाई ||
