भारत की संस्कृति के लिए... भाषा की उन्नति के लिए... साहित्य के प्रसार के लिए

गीत 32 / अठारहवां अध्याय / अंगिका गीत गीता / विजेता मुद्‍गलपुरी

Kavita Kosh से
यहाँ जाएँ: भ्रमण, खोज

हय शरीर एक यंत्र, एकर वाहक छिक अंतर्यामी।
उनके माया सकल पसारल ऊ जब जग के स्वामी।

जे सब के हिय में बसलॉे छै
अरु तन में चलवै छै,
जैसें कोनो चालक
कोनो वाहन के चलवै छै,
पूर्वार्जित ऊ संस्कार से अरजै यश-बदनामी
हय शरीर एक यंत्र, एकर वाहक छिक अंतर्यामी।

मानव छै परतंत्र
यंत्र के संचालक दोसर छै,
जिनकर हय सब जग अधीन
ऊ एक्के परमेश्वर छै,
उनके संचालन में मद्धिम, कोय भेल दु्रतगामी
हय शरीर एक यंत्र, एकर वाहक छिक अंतर्यामी।

हे अर्जुन तों ऊ अंतर्यामी के
शरण स्वीकारोॅ,
परम शान्ति के तों पावोॅ
अरु परम धाम के धारोॅ,
सब के प्रेरक सर्वाधार जे, जे सर्वान्तरयामी
जिनकर माया सकल पसारल, जे सब जग के स्वामी।