भारत की संस्कृति के लिए... भाषा की उन्नति के लिए... साहित्य के प्रसार के लिए
चिन्ता / ककबा करैए प्रेम / निशाकर
Kavita Kosh से
बाबाकें गंगा दूषित होयबाक चिन्ता छनि
मायकें नुआ फटबाक
भैयाकें रोजगार नहि जुटबाक
बहिनकें उबटन नहि लगबाक।
रंडीकंे गाहक नहि अयबाक चिन्ता छै
विधवाकें पति मुइलाक
किसानकें बरखा नहि होयबाक
मछबारके जाल फटबाक
नेनाकें खेलओना टुटबाक
महिसबारकें महीस गाभिन नहि होयबाक।
कवि तकैत अछि कविता
ओकरा चिन्ता छै
कविताकें बचयबाक।
