भारत की संस्कृति के लिए... भाषा की उन्नति के लिए... साहित्य के प्रसार के लिए
छोटकी ननदिया घुमै / छोटे लाल मंडल
Kavita Kosh से
छोटकी ननदिया धुमै
छोटकी ननदिया धुमै तानी के बजरिया हे चदरिया तानी के
लोगवा सब गेलो छै बौराय हे चदरिया तानी के॥टैक॥
ऐंसन फैसन में मतवारो,
नैना में डारै कजरिया,
मांथा पर विंदी ठोर रंगैनैं
आरो तन से छुटै चुनरिया हे चदरिया तानी के।
गोरो गोरो वदन छरहरों,
पतरी कमर लचकावै,
चांद सन मुखड़ा मन मुसकावै,
तहाँ सुरूजो तक शरमावै हो चदरिया तानी के।
कालेज वाला छौरबा सिनी,
घुमै छै गल्ली दौपहरिया,
कैनखी मटकी खूवै चलावै,
मिलवै ले चाहे नजरिया हे चदरिया तानी कै।
टीभी चैनल रूपंरंगौ मै,
मन भटकावै जबनियां
रसिक लाल जी ऐसन रसलै,
ननदी केहाथ विकनियाँ हे चदरिया तानी के।
