भारत की संस्कृति के लिए... भाषा की उन्नति के लिए... साहित्य के प्रसार के लिए
छोड़ी गेलै पिया परदेशी घर में जियरो नै लागै / नवीन चंद्र शुक्ल 'पुष्प'
Kavita Kosh से
छोड़ी गेलै पिया परदेशी घर में जियरो नै लागै
सहलो नै जाय छै कलेश घर में जियरो नैं लागै
गवना करी केॅ गेलै होय गेलै सपना
सपनहुँ तै ऐलैं सजना बरसै छै नयना
जिया में लागी गेलै ठेस घर में जियरो नै लागै
जोहतेॅ डगर हमरोॅ पथरैलै अंखिया
लिखी-लिखी हारी गेलाँ दै-दै केॅ पतिया
देलकै नै एक्को सन्देश घर में जियरो नै लागै
सुखी-सूखी काँटोॅ भेलै फूलोॅ रं देह रे
एक नजर देखै लेॅ छै अटकलोॅ नेह रे
आवोॅ सजना छोड़ी विदेश घर में जियरो नै लागै
एक मन करै रामा चली जाँव नैहर रे
दोसरो मन करै घोरी पीवी लौं जहर रे
धरलौं योगिनियाँ के भेष घर में जियरो नै लागै
