भारत की संस्कृति के लिए... भाषा की उन्नति के लिए... साहित्य के प्रसार के लिए
जलाएर सपना आँखामा / सानु शर्मा
Kavita Kosh से
जलाएर सपना आँखामा, बिउँझैछु म
बोकेर छातीभरी आगो, हिउँझैँ छु म
जति दियौ सबै लिएँ, हाँसेँ, मुस्कुराएँ,
बचेका छन् आँसु, तिनलाई पिउँदैछु म
पलछिनको साथ थियो तिमीसँगको
बटुली ती समयका टुक्रा सिउँदैछु म
तिमी अझै धडकिरहेछौ यो मुटुभित्र
प्रमाण अरू के दिऊँ भन, जिउँदैछु म
भेटिएलाऊ तिमी भनी आँखा डुलाई हेर्छु
के तिमीलाई पनि कतै भेटिऊँझैँ छु म ?
तेरा चोट बटुलेर गजल लेखेँ मैले, सानु
के तेरा लागि पनि केही लेखिऊँझैँ छु म?
