जीअणु ऐं जी सघणु, हिन दौर में का मस्ख़री नाहे, / अर्जुन हासिद

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अर्जुन हासिद » मोॻो »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

जीअणु ऐं जी सघणु, हिन दौर में का मस्ख़री नाहे,
अलाए मन में कहिड़ियुनि उलझनुनि जो वहकरो आहे!

लॻे थो वेझड़ाईअ में किथे कंहिं सां गॾियो हूंदुसि,
हुरे थी ॻाल्हि दिल में त बि मञणु दिल कीन थी चाहे!

ॾिरो हरको थो हुकंदड़ ट्रेन वांगुर लरिजं़दड़ सपना,
किरनि था बिस्तरा बैगूं, रखूं था पर वरी ठाहे!

हलियासीं चेहरा ॿहकाए, घुंजियल कपड़नि सां मोटियासीं,
हज़ारें ज़ल्ज़ला गॾिजी अचनि था जे़हन ते काहे!

ॿुधूं कुझ पाण बाबत, या त पंहिंजियुनि हरकतुनि बाबत,
भले पो जिनि बि लफ़्ज़नि में, को लोए या कि साराहे!

खणी केॾो कुल्हे ते बार, कुॿिड़ा थी हलिया आहियूं,
किथे वेही करियूं हा साफ़ चश्मो, मिनिट लइ लाहे!

अभोॻीअ मुस्कराहट सां, तकीं कंहिं ॾे थो इअं हासिद,
सॼो ई शहर सन्नाटो, किथे थो केरु साञाहे!