भारत की संस्कृति के लिए... भाषा की उन्नति के लिए... साहित्य के प्रसार के लिए
जे ज़िंदगीअ मां निकिरी वञे चाहु छा कजे? / अर्जुन ‘शाद’
Kavita Kosh से
जे ज़िंदगीअ मां निकिरी वञे चाहु छा कजे?
एं दिल खे भी जे प्यारो लॻे साहु छा कजे?
सरकार पंहिंजीअ सां बग़ावत थी डोहु, पर
जे ॾींहं राति बुख में थिजे पाहु छा कजे?
नेणन जे नीर सां हीअ विसायां त दिल जी आग
ॿरी जे आह को ॿियो आड़ाहु छा कजे?
जे कुझु मिले थो यार खां हिकु दर्दु थो मिले
विसरे तॾहिं बि कीन थो दिलख़्वाहु छा कजे?
मिंथुनि खे मां छॾे थो वठां बे रुखीअ जी वाट
पर पोइ बि जे न यारु करे ठाहु छा कजे?
मेहनत जो फलु जे हिन न त ॿिए जनम में मिले
जनमनि में पर जमे न जे बेसाहु छा कजे?
