भारत की संस्कृति के लिए... भाषा की उन्नति के लिए... साहित्य के प्रसार के लिए
झंडो / ढोलण राही
Kavita Kosh से
झंडो फड़कण लॻो
ऊचे ॻाट
हवाउनि में
छुड़वाॻ
खेसि थियो फ़खुरु
पंहिंजी बुलंद परवाज़ीअ,
रंग रूप
ऐं नाज़ भरिए अन्दाज़ ते
हू
मुख़्तलिफ़ निगाहुनि जो
मर्कजु़ बणिजी पियो!
खांउसि विसिरी वियो शायद
त सन्दसि बुलन्दीअ जो मदारु
हिक डिघे डंडे ते आहे!
खेसि चोटु चाढ़ण में
हिक ॾोरीअ
ऐं उन खे छिकण वारनि
हथनि जी बि हथी आहे
सन्दसि वजूद
ऐं सुहिणो रंगु रूपु
किनि गुमनाम हथनि जे
महिनत जो नतीजो आहे
सन्दसि फड़ फड़ जो आवाजु़
ॼणु
अहंकारी टहकनि जो पड़ाॾो,
ऊचाईअ तां खेसि
सभु ॼामिड़ा भासण लॻा
झंडो फड़कण लॻो
ऊचे ॻाट
छुड़वाॻ हवाउनि में...
