भारत की संस्कृति के लिए... भाषा की उन्नति के लिए... साहित्य के प्रसार के लिए
झन् पर पर सर्दैछ दाजै शान्तिको सिरानी / गीता त्रिपाठी
Kavita Kosh से
बहिनी
झन् पर पर सर्दैछ दाजै शान्तिको सिरानी
अँध्यारोभित्र अल्पेर आफ्नै छाया भो बिरानी
हरेक साँझ प्रलय हुन्छ भत्किन्छ विश्वास
गुम्सिन्छ घाउ, व्यथाले पोल्छ छातीको उच्छ्वास
चुँढिन्छ पलपल ओठको हाँसो निष्ठुर छ समय
कसरी बाँच्ला पूर्वको घाम उज्यालै नभए
कट्कटी खान्छ, मुटुको पीडा मुटुमै पाक्दछ
मृत्युले कतै नजिकबाट हेरेझैँ लाग्दछ
कसरी सुक्यो पसिना फुल्ने मधुर जागृति
म धैर्यशीला जोड्दैछु दाजै कर्मको आकृति ।
