ठट्टा कविता / महमुद दरविस / सुमन पोखरेल

जुन दिन मेरा शब्दहरू
धर्ती थिए
म गहूँका छ्वालीहरूको मित्र थिएँ ।

जुन दिन मेरा शब्दहरू
रिस थिए
म नेल र साङ्लीहरूको मित्र थिएँ ।

जुन दिन मेरा शब्दहरू
ढुङ्गा थिए
म खोलाहरूको मित्र थिएँ ।

जुन दिन मेरा शब्दहरू
एउटा विद्रोही थिए
म भूकम्पहरूको मित्र थिएँ ।

जुन दिन मेरा शब्दहरू
तिता स्याउ थिए
म आशावादीहरूको मित्र थिएँ ।

तर जब मेरा शब्दहरू मह भए
झिँगाहरूले
मेरा ओठ ढाकिदिए ।