भारत की संस्कृति के लिए... भाषा की उन्नति के लिए... साहित्य के प्रसार के लिए
ताकैं नीक कै निबौरी / बोली बानी / जगदीश पीयूष
Kavita Kosh से
ताकैं नीक कै निबौरी
कूकुर भागै लइके भौरी
करैं जंगरेव के चोर कै भलाई राम जी
बाटें सगरौ दरद कै दवाई राम जी
केव क दाबे है गरीबी
धरे गठिया औ टी.बी.
परा खटिया पै करा थें बड़ाई राम जी
बाटें सगरौ दरद कै दवाई राम जी
भरा बखरी अनाज
कहूँ बूड़ा थ जहाज
कतौ हंसी कतौ आवा थ रोवाई राम जी
बाटें सगरौ दरद कै दवाई राम जी
राम किरपा तोहार
लागा हमरिव गोहार
आई दुखिया के काम आना पाई राम जी
बाटें सगरौ दरद कै दवाई राम जी
