भारत की संस्कृति के लिए... भाषा की उन्नति के लिए... साहित्य के प्रसार के लिए
तुमन नि आयेंव / शंकर लाल नायक
Kavita Kosh से
कराके इंतिज़ार
तुमन नइ आयेंव
कीरिया के बात
तुमन बिसरायेँव
अंगना गली
दौड़े लगायेव
आहीच कहीं के
आस लगायेँव।
पथरागे नजर
तुमन नइ आयेंव
संझाती बेरा
बिस्तरा विछायेँव
मन के डेहरी
सुरता ल सजायेँव
कराके सिंगार
तुमन नइ आयेंव
मुंह ल ढांक के
दिल जलायेंव
भाग ल कोसत
आंसू बहायेंव
बढाके पियार
तुमन नइ आयेंव
