भारत की संस्कृति के लिए... भाषा की उन्नति के लिए... साहित्य के प्रसार के लिए
थी थी वञे जा ॻाल्हि, थियणु ॾे कॾहिं कॾहिं! / अर्जुन हासिद
Kavita Kosh से
थी थी वञे जा ॻाल्हि, थियणु ॾे कॾहिं कॾहिं!
भुणि-भुणि में कंहिंजो नांउ ॻिन्हणु ॾे कॾहिं कॾहिं!
का ओचितो छुही वञे ख़ुशबू निगाह खे,
तितलीअ खे पुणि अङण में अचणु ॾे कॾहिं कॾहिं!
हर कंहिंजो मन लॻे थो युगनि खां सुञो सुञो,
बरपट में का त बूंद वसणु ॾे कॾहिं कॾहिं!
मौसम गुलनि जी शर्म खां सहके थी केतिरो,
पोपट जे पर तां रंग लहणु ॾे कॾहिं कॾहिं!
पाछोला कल्ह जी याद जा सुस-पुस था अॼु बि कनि,
टारियुनि तां किअं बि ॿूरु छणणु ॾे कॾहिं कॾहिं!
तन जी तपति जे मर्म ते मुरिकी सघां वरी,
हासिद किथे लिकी बि वञणु ॾे कॾहिं कॾहिं!
