भारत की संस्कृति के लिए... भाषा की उन्नति के लिए... साहित्य के प्रसार के लिए

दिया बिटिया क दान / जगदीश पीयूष

Kavita Kosh से
यहाँ जाएँ: भ्रमण, खोज

दिया बिटिया क दान।
दिया सगरौ समान॥

गईं ससुरे त मुंहना झुरान माई जी।
ई दहेजवा क पपवा मोटान माई जी॥

आये जेतना बराती।
खाये पिये दिनराती॥

मुला दुलहा क बपवा कोहान माई जी।
ई दहेजवा क पपवा मोटान माई जी॥

करै ममवा बवाल।
मचा धिंगरा धमाल॥

लागै पगला मंछिलवा टोनान माई जी।
ई दहेजवा क पपवा मोटान माई जी॥

हाली आवा काली माई।
मुंह बावा काली माई॥

जरै बिटिया त जारा खानदान माई जी।
ई दहेजवा क पपवा मोटान माई जी॥