भारत की संस्कृति के लिए... भाषा की उन्नति के लिए... साहित्य के प्रसार के लिए
दिलरुबा तुंहिंजो जॾहिं दीदार थियो / लीला मामताणी
Kavita Kosh से
दिलरुबा तुंहिंजो जॾहिं दीदार थियो
ईअं लॻो ॼणु को वॾो इसरारु थियो
बादलनि बरसात आंदी वाह वाह
दिलि जो वीरानो फिरी गुजल़ार थियो
आॻ उदासीअ जी हुई चोधर फ़िज़ा
हाणे रंगत सां भरियो संसार थियो
दिलि त चाहियो, हालु तो सां ओरजे
पर ज़बान सां, कीन को इज़िहार थियो
हुसन तुंहिंजे जो सदा शेदाई मां
पर तुंहिंजो इक़िरार या इंकारु थियो
भाॻु मुंहिंजो ॼण त अॼु जाॻियो अची
हाणे ‘निमाणी’ जो रहणु दुशवार थियो
दिलरुबा तुंहिंजो जॾहिं दीदार थियो
ईअं लॻो ॼण को वॾो इसरारु थियो।
