भारत की संस्कृति के लिए... भाषा की उन्नति के लिए... साहित्य के प्रसार के लिए
देवियुनि खे सॾु / हूँदराज दुखायल
Kavita Kosh से
थल्ह:
ही वक्तु न आहि विञाइण जो, न विञाइण जो ,
ही वेला पाण मल्हाइण जो, त मलहाइण जो।
भारत जूं ऐ देवियूं जाॻो
समो सणाओ आहे सभागो,
मुल्क जे मान बचाइण जो, त बचाइण जो।
धारियो कपड़ो लाहियो, लाहियो,
पंहिंजो ठाहियो, पंहिंजो पायो,
खादीअ सां दिल लाइण जो, हा लाइण जो।
गुते गुते ते धरनो मारियो,
खसे शराब हथनि सां हारियो,
वक्तु न ऐश उॾाइण जो, न उॾाइण जो
मर्दनि सां गॾु धर्मयुद्ध में,
टिपी पओ हिन आग शुद्ध में,
थिए खौफ न जान जलाइण जो, न जलाइण जो
मर्द सडाए जे पाणु लिकाइनि,
चओ उनहनि खे चूंडियूं पाईनि,
कमु कनि ॿार निपाइण जो, त निपाइण जो
