भारत की संस्कृति के लिए... भाषा की उन्नति के लिए... साहित्य के प्रसार के लिए
धारणा / कल्पना सिँह-चिटनिस / सुमन पोखरेल
Kavita Kosh से
ऐना हेरें मैले
र संसारलाई आफ्ना आँखामा तैरिरहेको भेट्टाएँ ।
मैले विश्वको स्वादलाई
आफ्ना ओठहरूबाट ग्रहण गरें ।
आफूलाई खोज्न बाहिर निस्किएँ
र ब्रह्माण्डलाई आफैँभित्र लुकिरहेको पाएँ ।
तर आफूलाई भने त्यहाँ देखिनँ
र आश्चार्यचकित भएँ ।
एक्कासी एउटा भँगेरो आएर
मेरो निधारमा ढक्ढक्यायो,
म फुटन थालेँ
टुसाउँदै गरेको वीजको बाहिरी पत्र झैँ...
एउटा हरियो तीखो गन्धले भिजायो मलाई ।
अनुभूत गरेँ
भर्खरै मात्र जन्मिएछु म त
जीवनप्रतिको नयाँ धारणाले भरिएर ।
