भारत की संस्कृति के लिए... भाषा की उन्नति के लिए... साहित्य के प्रसार के लिए
धोंन कमाय के धरलक चाल / छोटे लाल मंडल
Kavita Kosh से
धोंन कमाय के धरलक चाल
धोंन कमाय के धरलक चाल
मांथा पर जट्टो खंजूरी पै ताल,
भस्मी रमाय के बेटा बाँटै
चूट्टा में छै शंकर लाल।
कोय झारै छै तंतर मंतर,
कोय बांधै छै तावीज यंतर,
कोय ते सक्कत भूत उतारै
कोय गेलौ छै भीतर भीतर।
दुनियां के दसतूर यहै छै,
आंखी में घूरा झोकै छै,
पंडित जी नें ग्रह बतावै,
पुजारी घंटी बजावै छै।
पढुवा सवने देखै तमासा
अनपढुवा छै मालौ माल,
अन्नों धनों से कोठी भरलों
अंधविश्वासों के फेकै जाल।
जाल एक दिन काल वनतै
फसतै भव के खाही में,
मारतै हंटर लोर चुवैतै
दम घुटतै आवा जाही में।
