भारत की संस्कृति के लिए... भाषा की उन्नति के लिए... साहित्य के प्रसार के लिए
नतीजो / कुंदन माली
Kavita Kosh से
म्हारी गली रो
केसरियो कूकड़ो
जमीं पे बैठो-बैठो
घणा दिनां सूं
सूरज रै सरीर पै
अणी भरौसे
टूं चा मारै है क’
वणी रै बोलियां बिना
सूरज आंख्यां नी खोलेगा
म्हारा पाड़ोसी
कूकड़े अर सूरज री
हवाई लड़ाई पे
गै’रा जायने
सोचै है
थोड़ी-सी मिनख बुद्धि
रै भरोसे आपणी
अकल रा केस
खेंचै है क’
इण लड़ाई में
कूण लीलो व्हेगा
कूण जीत्यां पछै
आंपणी जीत रा
किस्सा कैवेगा
अण्ी रो कूण
कई कैय सके
आवा दो या बात तो
वखत ई’ज बोलेगा !
