नयनवां बरस रहल / राम सिंहासन सिंह

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

राम सिंहासन सिंह »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

ये सावन मत बरस, नयनवाँ बरस रहल।
परदेसी साजन ला जनवाँ तरस रहल।।

बरस-बरस के मेघ, लोर सब धो गेलई,
सुखल लतर-पतर हरिअर हो गेलई।
हमर ऊ घनस्याम कहाँ जे खो गेलई,
नेह लगा के कईसन बिखिया बो गलई।
सुन भुवनवाँ में मनवाँ अब दरक रहल।
ये सावन मत बरस नयनवाँ बरस रहल।।

बदरा के संग-संग बिजुरिया छमक हे,
ताल-तर्लया भी अब चम-चम चमक हे।
बेली आऊ चमेली दम-दम दमक हे,
सखियन सबके कंगना खन-खन खनक हे।
सबके साथ सजनवाँ मनवाँ हरस रहल।
ये सावन मत बरस नयनवाँ बरस रहल।।

झन-झन झिंगुर हीय में हुक जगावऽ हे,
ठनक-ठनक के ठनका खुब डरावऽ हे।
चमक-चमक के बिजुरी जी ललचाव हे,
मोरवा के ऊ नाच न तनिको भावऽ हे
बुनिया पड़े अगिनियाँ जइसे सरस रहल।
ये सावन मत बरस नयनवाँ बरस रहल।।