भारत की संस्कृति के लिए... भाषा की उन्नति के लिए... साहित्य के प्रसार के लिए
नव कनियाक स्वागत / रमापति चौधरी
Kavita Kosh से
आउ, बसाउ, हंसाउ, सुहागिनि, घर-आंगन अहां आइ
दुलहिन, घर आंगन अहां आइ।
सासु-ननदि, कुलश्रेष्ठ दियादिनि, जैधी-जाउत सुहाय
वृद्ध ससुर अरु देवर भैंसुर, प्रिय परिवार हंकारि
छी सब हर्षित, स्वागत करइत, लक्ष्मी अयली दुआरि॥ दुलहिन.
सेवा-धर्म अरु प्रीति परस्पर, सुख-दुख संजलगाउ
हिलि-मिलि, हिलि-मिलि घर फुलवारी, ड्यौढ़ी ज्योती जगाउ॥ दुलहिन.
फूलू-फलू खुशी रहू सब दिन, अचल रहए अहिवात।
आशीर्वचन सबहुं मिलि दै छी, हुअए सुन्दर प्रात॥
कहथि रमापति, मनहि विचारिय सेवाधर्म अपार।
घर-घर, जन-जन, पद-पद पायब, होयत सुख संचार॥
दुलहिन, घर आंगन अहां आइ।
आउ, बसाउ, हंसाउ, सुहागिनि, घर-आंगन अहां आइ॥
