भारत की संस्कृति के लिए... भाषा की उन्नति के लिए... साहित्य के प्रसार के लिए
नाम चलेको मान्छे / राजेन्द्र थापा
Kavita Kosh से
तिमी मनपरी गर्नमा नाम चलेको मान्छे
खोटै भए ‘नि बजारमा दाम चलेको मान्छे
झुकी दर्शन नगरी नदेख्ने कोही हाम्लाई
छड्के आँखा तर्दा ‘नि तिम्रो, सलाम चलेको मान्छे
घर ठड्याउने ज्यामी झैँ, प्रवेश निषेध हाम्लाई
तिमी उद्घाटनको कैंची झैं, काम चलेको मान्छे
सीताको ‘नि बद्नामी भइरहने यो ठाउँमा
तिमी नाङ्गै हिंड्दा ‘नि खुलेआम चलेको मान्छे
जितेकाहरू भीडमा हराइरहेका बेला
चुनावमा हारे ‘नि तिमी धुम्धाम चलेको मान्छे ।
